Ծրագրի նպատակն է բարելավել անտառային ոլորտի կառավարումը` Եվրոպայում և Հյուսիսային Ասիայում անտառային օրենսդրության կիրառման և կառավարման (FLEG) գործընթացի համար Սանկտ-Պետերբուրգի նախարարական դեկլարացիայում և նախնական գործողությունների պլանում ամրագրված հիմնական առաջնայնությունների արդյունավետ իրականացմամբ: Ծրագիրն իրականացվում է Հայաստանում, Ադրբեջանում, Բելառուսում, Վրաստանում, Մոլդովայում, Ռուսաստանում և Ուկրաինայում: Ծրագրի իրականացումը ղեկավարվում է Համաշխարհային Բանկի կողմից (WB)` համագործակցելով Բնության պահպանության միջազգային միության (ԲՀՄՄ/IUCN) և Բնության համաշխարհային հիմնադրամի հետ (ԲՀՀ/WWF) և սերտորեն համակարգելով աշխատանքները մասնակից երկրների կառավարության և այլ ոչ կառավարական շահագրգիռ կողմերի հետ:
Ֆինանսավորող կազմակերպություն/դոնոր. Եվրամիություն
Իրականացնող կազմակերպություն. Ծրագրի իրականացումը ղեկավարվում է Համաշխարհային բանկի (WB) կողմից` համգործակցելով Բնության պահպանության միջազգային միության (ԲՀՄՄ/IUCN) և Բնության համաշխարհային հիմնադրամի (ԲՀՀ/WWF) հետ:
Տևողությունը. 2008-2011թթ.
Բյուջե. 220,000 ԱՄՆ դոլար
Նպատակը. Ծրագրի նպատակն է աջակցել կառավարություններին, քաղաքացիական հանրությանը և մասնավոր սեկտորին մասնակից պետությունների համար (Հայաստան, Ադրբեջան, Բելառուս, Վրաստան, Ռուսաստան և Ուկրաինա) մշակելու անտառի կայուն կառավարման ընդունելի գործընթացներ, ներառյալ` ապօրինի անտառային գործողությունների դեպքերի նվազեցման միջոցները:
Ծրագրի գործողությունները.
1. Հասարակայնության հետ կապերի և իրազեկության բարձրացման գործողություններ տարբեր նյութերի պատրաստման և տարածման միջոցով` ուղղված մասնավոր սեկտորի և տեղական բնակչության կողմից անտառի բնափայտային և ոչ բնափայտային արտադրանքի օրինական ձեռքբերման խրախուսմանը:
2. «Հայանտառ» ՊՈԱԿ-ի կազմում երկու արգելավայրերի կառավարման և օրենքի կիրառման արդյունավետության գնահատում, ինչպես նաև առաջարկությունների մշակում` ուղղված կառավարման և օրենքի կիրառման և ապօրինի գործողությունների կանխարգելման նպատակով նախանշվող հզորությունների ստեղծման գործողություններին:
3. Անտառի օգտագործման այլընտրանքային ձևերի (անտառի ոչ բնափայտային արադրանք, էկոտուրիզմ և այլն) վերլուծություն: Մասնավոր սեկտորի/տեղական բնակչության համար անտառային պաշարների հասանելիության վերլուծություն: Համայնքների կողմից անտառի այլընտրանքային օգտագործման երկու պիլոտային ծրագրերի մշակում և իրականացում` ուղղված անտառային պաշարների կայուն կառավարմանը և տեղի բնակչության կենսամիջոցների բարելավմանը:
4. Հայաստանում մասնավոր փայտամշակող սեկտորի հզորացում. անտառային պաշարների կայուն օգտագործման ոլորտում մասնավոր սեկտորի դերի գնահատում և մասնավոր սեկտորի` անտառի կայուն օգտագործման մասով առաջարկություններ:
Լրացուցից տեղեկությունների համար դիմել`
Սիրանուշ Գալստյան, բնապահպանության բաժին
WWF հայաստանյան գրասենյակ
Հեռ./Ֆաքս` (+374 10) 54 61 56 (ներքինը`12)
Էլ.փոստ` sgalstyan@wwfcaucasus.am
Արթուր Խոյեցյան, Հասարակայնության հետ կապերի բաժնի ղեկավար
Բնության համաշխարհային հիմնադրամի հայաստանյան մասնաճյուղ (WWF Հայաստան)
Հեռ./Ֆաքս` (+374 10) 52 47 12; 54 61 56 (ներքինը`16)
Էլ.փոստ` akhoyetsyan@wwfcaucasus.am
Ցանցակայք` www.panda.org/armenia